ერთობლიობა, სიმრავლე, ქვესიმრავლე, ვენის  დიაგრამა,  რაოდენობა,  ნატურალური რიცხვი, ტოლძალოვანი ერთობლიობანი, დაწყვილება.

მათემატიკის მთავარი და პირველადი ცნება - ერთობლიობა (და მათი ჩაწერა). ერთობლიობის ჩაწერისას

სულერთია, თუ როგორი თანმიმდევრობით ჩავწერთ ამ ერთობლიობის წევრებს. ერთობლიობაში არ შეიძლება იყოს ორი ერთიდაიგივე წევრი. მათემატიკაში ერთობლიობას ეწოდება „სიმრავლე“ (თუმცა მასში შეიძლება მხოლოდ ერთი-ორი წევრი იყოს).  ერთობლიობის  ქვესიმრავლე;  ტოლძალოვანი ერთობლიობანი. ყოველი სიმრავლე თავისთავის ქვესიმრავლეა. ქვესიმრავლესთან დაკავშირებული ტიპური შეცდომა. ვენის  დიაგრამა.

რიცხვის ცნება _ რაოდენობის რაობა. რიცხვი ორი _ ესაა ის საერთო, რაც აქვს ყველა შესაძლო წყვილს. ასევე, რიცხვი ოთხი _ ესაა ის საერთო, რაც აქვს ყოველგვარ საგანთა ყველა შესაძლო ოთხეულს (ამასთან, ეს ოთხეული შეიძლება იყოს გაფანტული ან შემჭიდროებული, მრგვალად ან მწკრივად განლაგებული და სხვა). ასევე რიცხვი ცხრა _ ესაა ის საერთო, რაც აქვს ყოველგვარ საგანთა ყველა შესაძლო ცხრაეულს. და ა.შ.

საზოგადად, ყოველი ნატურალური რიცხვი _ ესაა ის საერთო, რაც აქვს ყოველგვარ საგანთა ყველა შესაძლო ტოლძალოვან ერთობლიობას, ოღონდ სასრულს. ეს ერთობლიობა შეიძლება იყოს წყვილი, ოთხეული, ცხრაეული, ოცეული, ასეული, მილიონ სამას ოცდაექვსეული და ა.შ.

პირველადია კონკრეტული ოთხეულები, რიცხვი „ოთხი“ კი _ ყველა შესაძლო ამგვარი ოთხეულის გამაერთიანებელი ანუ განმაზოგადებელი ცნებაა (ხოლო ციფრი 4 ანუ ოთხიანი _ ყველაზე გვიანდელია, რიცხვის უბრალო ჩანაწერია, აღნიშვნაა).

ორი სხვადასხვა ერთობლიობის ტოლძალოვნების გარკვევას არ სჭირდება რიცხვების ცოდნა: საკმარისია, ამ ერთობლიობათა წევრები დავაწყვილოთ (მათემატიკურად _ დავამყაროთ ურთიერთცალსახა ასახვა). ხუთი იმიტომ კი არაა სამზე მეტი, რომ რიცხვთა რიგში მის შემდეგაა, არამედ პირიქით: ხუთი იმიტომაა რიცხვთა რიგში სამის შემდეგ, რომ მასზე მეტია. მეტობა კი შესაბამის ერთობლიობათა დაწყვილების შედეგად ირკვევა.

სრულად             პასუხები