23 დეკემბერი,  11.00 საათზე , სასტუმრო „რედისონ ბლუ ივერიაში“ კერძო უმაღლესი სასწავლებლების ასოციაციასა და   ზოგადსაგანმანათლებლო სკოლებს  შორის    ურთიერთთანამშრომლობის მემორანდუმის ხელმოწერა გაიმართება.

მემორანდუმის მიზანია  საშუალო და ასოციაციის დამფუძნებელ უმაღლეს სასწავლებლებს შორის (საქართველოს უნივერსიტეტი, ქართულ-ამერიკული უნივერსიტეტი, გრიგოლ რობაქიძის უნივერსიტეტი)  მჭიდრო   და გრძელვადიანი ურთიერთობის დამყარება.

ღონისძიების საპატიო სტუმრები იქნებიან საქართველოს განათლებისა და მეცნიერების   მინისტრის მოადგილე - ლია გიგაური .

შეხვედრაზე წარმოდგენილნი იქნებიან დირექტორები ორმოცი სკოლიდან (თბილისი, ქუთაისი, ბათუმი, რუსთავი და წყალტუბო).

მისამართი: სასტუმრო „რედისონ ბლუ ივერია“