წყალტუბოს მუნიციპალიტეტში ერთ სააღმზრდელო ჯგუფზე გათვლილი საბავშვო ბაღი გაიხსნა. 2016 წლის 8 თებერვალს ფუნქციონირება დაიწყო სოფ. ოფურჩხეთის № 18 საბავშვო ბაღმა. ბაღის გახსნას დაესწრნენ მუნიციპალიტეტის გამგებელი კოსტანტინე მამისეიშვილი, საკრებულოს თავმჯდომარე-  პაატა ახალაძე, ქართული ოცნება- ,,დემოკრატიული საქართველოს'' წყალტუბოს საოლქო ორგანიზაციის თავმჯდომარე-  ცოტნე ზურაბიანი, სოფლის გამგებელი  კახა იოსელიანი და  საბავშვო ბაღების გაერთიანების მმართველი-  გიორგი იობიძე.

ბაღი აღჭურვილია ახალი ავეჯითა და საჭირო ტექნიკით. აღმზრდელებისა და მშობლების აზრით, ოფურჩხეთის ბაღში შექმნილი გარემო ნამდვილად შეესაბამება თანამედროვე სტანდარტებს.