რედინგის უნივერსიტეტი მსოფლიოს საუკეთესო უმაღლესი სასწავლებლების საუკეთესო 1%–ში შედის. მას მნიშვნელოვანი სამეცნიერო კვლევების ფუძემდებლისა და საუკეთესო საგანმანათლებლო გარემოს მქონე უნივერსიტეტის რეპუტაცია აქვს მსოფლიოში. 1892 წელს დაარსებულმა რედინგის სასწავლებელმა 1926 წელს ინგლისის უმაღლესი ცოდნის სკოლის სტატუსი ოფიციალურად მიიღო.

რეიტინგი: 29

ადგილმდებარეობა: რედინგი, ლონდონიდან მატარებლით 25 წუთის სავალზე

სტუდენტების რაოდენობა: 14675

კმაყოფილი სტუდენტების პროცენტული წილი: 88%

იხილეთ ვიდეო          ძიება

რედინგის უნივერსიტეტმა ბრიტანეთის საუკეთესოს სასწავლებლისა და მსოფლიო რეიტინგში ერთერთი მოწინავე უნივერსიტეტის სახელი ადრეულ წლებშივე დაიმკვიდრა.   იგი აერთიანებს 150 000–ზე მეტ სტუდენტს მსოფლიოს სხვადასხვა წერტილში.  შესაბამისად, მსგავსი მასშტაბის ნაკადის უზრუნველსაყოფად უნივერსიტეტი აქტიურად ახორციელებს ინვესტირებას კამპუსისა და შიდა ინფრასტრუქტურის განახლებისათვის. მსგავსი მიდგომის გამო რედინგი გამოირჩევა საუკეთესო ბიზნეს სკოლით, რომელსაც უნიკალური სამმაგი აკრედიტაცია გააჩნია, რაც მსოფლიოს საუკეთესო ბიზნეს სკოლის სტატუსს ნიშნავს. ასევე ზემოთ ხსენებული უმაღლესი დონის კომპლექსი აერთიანებს თანამედროვე სპორტულ ცენტრსა და სამეცნიერო ბაზას. რედინგის უნივერსიტეტი გამოირჩევა სხვადასხვა ეროვნების სტუდენტებისთვის შექმნილი გულთბილი გარემოთიც. მის კამპუსში ამჟამად 130 ქვეყნის წარმომადგენელი 3500 უცხოელი სტუდენტი ცხოვრობს და სწავლობს.

ქალაქი რედინგი ლონდონთან ახლოს მდებარეობს. მასში 130 ჰექტარი მხოლოდ რედინგის უნივერსიტეტის მთავარ სტუდენტურ საცხოვრებელს უჭირავს, რომელიც გამოირჩევა საოცარი გამწვანებით. ამ უდიდესი კამპუსის ტერიტორიაზე შეხვდებით ტბას, ტყეს და სტუდენტების ჯანსაღი ცხოვრებისთვის განკუთვნილ სპორტულ ცენტრს. საერთო ჯამში, რედინგის უნივერსიტეტი 11 სხვადასხვა კამპუსს აერთიანებს. ყოველი მათგანი განცალკევებულია ერთმანეთისგან და საკუთარი შიდა ინფრასტრუქტულური ნაგებობები გააჩნია, რაც მეგობრულ ატმოსფეროს უზრუნველყოფს. აღნიშნული საცხოვრებლით სარგებლობა თავისუფლად შეუძლიათ ნებისმიერი სტატუსისა და ეროვნების სტუდენტებს, თუკი საჭირო ვადებში შეიტანენ განაცხადს ოთახის თაობაზე.

რედინგის უნივერსიტეტი საკმაოდ გულუხვი სტიპენდიებით გამოირჩევა ბაკალავრიატისა და მაგისტრატურის სტუდენტებისათვის. განაცხადი იგზავნება ონლაინში სისტემა UCAS- ის მეშვეობით და პირდაპირ უნივერსიტეტს ეგზავნება.

სტუდენტური ცხოვრება: უნივერსიტეტს დიდი გამოცდილება აქვს სხვა ქვეყნის სტუდენტების მასპინძლობის საკითხში. თავის დროზე, 100 მილიონზე მეტი ინვესტიცია მოხმარდა სტუდენტების რეზიდენციებისა და სპორტული პარკის გაშენებას.

რედინგის უნივერსიტეტი მის კამპუსებში მცხოვრებ სტუდენტებს აძლევს საშუალებას ისარგებლონ იქვე არსებული სასწავლებლის ბიბლიოთეკით. ეს გულისხმობს მილიონზე მეტ უნიკალურ სამეცნიერო წყაროსთან წვდომას, რისთვისაც აღნიშნული გარემო აღჭურვილია უახლესი კომპიუტერული ტექნიკითა და უფასო ხელმისაწვდომი ინტერნეტით. სტუდენტების აქტიური სოციალური ცხოვრების უზრუნველსაყოფად, რედინგის უნივერსიტეტი მათ ნახევარი განაკვეთის მქონე სამუშაოზე დასაქმებაში ეხმარება. ამისთვის კამპუსში სპეციალური ცენტრია განთავსებული. რედინგი ინგლისის სამხრეთ–აღმოსავლეთ ნაწილში მდებარეობს, რომელიც სტუდენტებისთვის შესაფერისი ვაკანსიების სიმრავლითა და მოხერხებული რკინიგზის ხაზით გამოირჩევა. აღნიშნული ფაქტიდან გამომდინარე, რედინგის უნივერსიტეტის კამპუსში მცხოვრებთათვის ლონდონსა და ინგლისის სხვა ქალაქებში მოხვედრა უმოკლეს დროშია შესაძლებელი. 

ქალაქი რედინგი ინგლისში მნიშვნელოვან IT ცენტრს წარმოადგენს. აქ მდებარეობს ისეთი ომპანიების ოფისები, როგორებიცაა: Oracle, Microsoft, Ericsson.